Sunday, February 14, 2016

மகாமகமும் ... நம்ம மார்கெட்டிங்கும்

குடந்தை ரயில் நிலையத்தில் 
நமது BSNL டெலிகாம் சென்டருக்கு ... இடம் கிடையாது ...
அனுமதியில்லையென ரயில்வே நிர்வாகம் மறுப்பு ...
இது ... போதாது என ..?
BSNL  மொபைல் டவர் நிறுத்திடவும் ...
அனுமதி கிடையாதாம் !
ஆனால் ... ரயில் நிலையத்தில் 
தமிழக அரசின் சுற்றுலாதுறைக்கு 
இடம் ஒதுக்கபட்டு 13.2.2016 முதல் செயல்படுகிறது !

மகா மக குளத்தின் மிக அருகில் உள்ள ...BSNL   இடத்தில்
விளம்பர  அவலம் ... சொல்லாமலே  இருந்திருக்கலாம் 
என   நாம் எண்ணிடும் அளவிற்கு ...
யானைக்கு ... ஐந்து ரூபாய் பாப்கார்ன் பாக்கெட் 
வாங்கி தந்திருக்கும் ...குடந்தை மார்கெட்டிங் ...
மாநில சங்க கவனத்திற்கு தகவல் தெரிவிக்கபட்டுள்ளது ...
மாநில நிர்வாகத்தின்  மேல்மட்ட தலையீடு ...
ரயில்வே நிர்வாகத்தோடு தேவை என்பதை வலியுறுத்தி உள்ளோம் ...
குடந்தை மகா மக டெலிகாம் சென்டர் 
சிறப்பு பணியில் (SPECIAL DUTY -VOLUNTEER )
தோழர் ...தோழியர்கள் .. தவறாது பணியில் ஈடுபடுவோம் ...
சிரமங்கள்  பொறுத்து பணி சிறக்க செய்வோம் ...
மார்க்கெட்டிங் என்றால் என்ன ?
எனும் கேள்வி நம் மனதில் எழுந்தது ...
அர்பணிப்போடு ...ஆர்வத்தோடு ...
எதையாவது ... எப்படியாவது ... 
திறம்பட செய் ... என்பதே "மார்க்கெட்டிங் "
என பொருள்  உணரவைத்தார்  ...
வைதீஸ்வரன் கோயில் ...போன் மெக்கானிக் 
தோழர் .முத்துகுமாரசாமி 
12.2.2016  அன்று தன்  மகனின் திருமணத்தில் .... 
ஆம் ...
அவர் அளித்த ... தாம்பூல பையே  சாட்சி ....



Wednesday, February 10, 2016

பிஎஸ்என்எஸ் சார்பில் வை-பை வசதி

பிஎஸ்என்எல் நிறுவனம் சார்பில் மகாமக குளம் உள்ளிட்ட இடங்களில் புதிதாக செல்போன் கோபுரங்கள், 12 இடங்களில் தொலைத்தொடர்பு சேவை மையங்கள் அமைக்கப்பட்டுள் ளன. விழா நடைபெறும் அனைத்து நாட்களிலும் தடையில்லா செல்போன் சேவை மற்றும் இணையதள சேவை வழங்குவதற்காக 3-ஜி சேவை விரிவாக்கம் செய்யப்பட்டுள்ளது. புதிதாக அறிமுகப்படுத்தப்பட்டுள்ள ‘வை-பை ஹாட் ஸ்பாட்’ வசதி மூலம் செல்போன் மற்றும் லேப்டாப்களில் பிஎஸ்என்எல் வை-பை இணைப்பு மூலம் இணையதள வசதி பெறலாம். முதல் 15 நிமிடங்களுக்கு இலவசமாகவும், அதன் பிறகு ஆன்லைன் ரீசார்ஜ் அல்லது கூப்பன்கள் மூலம் இந்த வசதியை தொடர்ந்து பயன்படுத்தலாம். தொலைத்தொடர்பு பணியில் 200-க்கும் மேற்பட்டோர் ஈடுபட உள்ளதாக பிஎஸ்என்எல் நிறுவன பொது மேலாளர் எஸ்.லீலாசங்கரி தெரிவித்துள்ளார்.


வழிகாட்டும் ‘மகாமகம்' செயலி


பன்னிரு ஆண்டுகளுக்கு ஒருமுறை நடைபெறும் கும்பகோணம் மகாமகப் பெருவிழா வரும் பிப்ரவரி 13-ம் தேதி முதல் 22-ம் தேதி வரை நடைபெறவுள்ளது. இதை முன்னிட்டு செயலி ஒன்றைத் தயார் செய்து அசத்தியிருக்கின்றது, பள்ளி ஆசிரியர் பெருமாள் ராஜ் தலைமையிலான ஆசிரியர் குழு. இச்செயலி மகாமகப் பெருவிழாவுக்கான தமிழக அரசின் அதிகாரபூர்வச் செயலியாக அறிவிக்கப்பட்டிருக்கிறது.
பொதுவாக இந்தியாவில் இந்துக்களின் புனித நீராடல் என்பது நதிக்கரைகளில் மட்டுமே காணப்படும் நிகழ்வாகும். கும்பகோணத்தில் மட்டுமே புனித நீராடல் என்பதானது மகாமகக் குளத்தில் நீராடுவதைக் குறிக்கும். மகாமகத் திருக்குளம் உருவானது எப்படி, தல வரலாறு, மகாமகத்துடன் தொடர்புடைய கோயில்கள், மாசிமகம் நீராடல், திருக்குள அமைப்பு, மகாமகம் 2016 பற்றிய குறிப்புகள் செயலியின் முகப்பில் மிளிர்கின்றன.
கும்பகோணம் மற்றும் அதனைச் சுற்றிலும் உள்ள கோயில்களின் வரலாறு, திருவிழாக்கள், வழிபாட்டு நேரம், தொலைபேசி, அமைவிடம் உள்ளிட்டவை விரிவாகக் கொடுக்கப்பட்டிருக்கின்றன. தகவல்கள், திருக்கோயில்கள் வழிகாட்டியின் உதவியுடன் தொகுக்கப் பட்டிருக்கின்றன.
வெளியூர்களில் இருந்து வரும் பயணிகளுக்காக, அங்கே அமைந்துள்ள விடுதிகளின் முகவரி, தொலைபேசி மற்றும் இணையதள முகவரியோடு தரப்பட்டிருக்கிறது. விடுதிகளோடு, உணவகங்களின் பெயர்களும் தொகுக்கப்பட்டுள்ளன. சைவ உணவகம், அசைவ உணவகம் என்று தனித்தனியாகப் பிரித்திருக்கும் விதம் அற்புதம்.
போக்குவரத்து
முக்கிய விழாக்கள் நடைபெறும் நேரங்களில், போக்குவரத்துதானே மிகவும் முக்கியம்? செயலியில் போக்குவரத்துக்காகவும் தனிப் பகுதி அமைக்கப்பட்டுள்ளது. பொதுப் போக்குவரத்துகளான ரயில், அரசுப் பேருந்துகள், விரைவுப் பேருந்துகள், தனியார் பேருந்துகள் ஆகியவற்றுக்கான வழித்தடமும், ரயில் பேருந்து பெயர்களும், எண்களும் கொடுக்கப்பட்டுள்ளன. தனிப் போக்குவரத்தை விரும்புபவர்களுக்கு, கால்டாக்ஸி விவரங்கள் மற்றும் அவற்றின் தொலைபேசி எண்களும் வழங்கப்பட்டுள்ளன.
தீர்த்தத்துக்கான முன்பதிவு
விழாவில் கலந்துகொண்டால் போதுமா, தீர்த்தத்தைப் பெற வேண்டாமா என்பவர்களுக்காக, மகாமகம் விழா குறித்த சிறப்பு அரசு இணைய தளங்களின் முகவரியோடு, மகாமக தீர்த்தத்தை பெறுவதற்கான முன்பதிவு இணைப்பும் இங்கே காணப்படுகிறது.
கோயில்களின் புகைப்படங்களும், படத்தொகுப்புகளுக்கான இடுகைகளும் இதில் இணைக்கப்பட்டுள்ளன. நகர வரைபடம் குறித்த கூகுள் மேப்புகளும், பேருந்து, கார், இரு சக்கர வாகனங்களுக்கான வழித்தடங்களும் தெளிவாக இணைக்கப்பட்டுள்ளன. பக்தர்களின் வருகை மற்றும் வெளியேறும் பாதைகளின் இணைப்புகளும் இதில் அடங்கும். இப்போது ஆண்ட்ராய்ட் தளத்தில் மட்டுமே இயங்கும் செயலியை, விண்டோஸ் மற்றும் ஆப்பிள் தளத்தில் பயன்படுத்துவதற்கான முயற்சியில் ஈடுபட்டிருக்கின்றனர் ஆசிரியர் குழுவினர்.
செயலி வடிவமைப்பு கண்ணை உறுத்தாத வண்ணங்களில், தெளிவாக அமைக்கப்பட்டிருக்கிறது. அனைவரும் பயன்படுத்தக் கூடிய வகையிலும், எளிதாய்ப் புரியும் விதத்திலும் இருப்பது கூடுதல் சிறப்பு.
மகாமகம் செயலிக்கான ப்ளே ஸ்டோர் இணைப்பு: http://bit.ly/1Q4KYG2

Tuesday, February 9, 2016

குடந்தையும் ...மகா ...மகமும் ...




குடந்தை நகரமே ...சிலிர்த்து .. சிங்கரித்து ...
தயார் பட்டு விட்டது ...மகம் நோக்கி ...
மகாமககுள அருகில் ...மிக அருகில் ...
BSNL க்கு சொந்தமான இடத்தில் ..
BSNL க்கு  சொந்தமான விளம்பர பலகை ...
கிழிந்து ...காற்றில் ...அந்தரத்தில் பறக்குது ...
பாவம் போக்கும் மக நீர் ... தனக்கும் தெளிக்க சொல்லி !
பாவமாய் ...
NFTE  சொல்லாததில்லை ... இது குறித்து  ...
NFTE  எழுதாத கடிதமில்லை ... இது குறித்து ...
NFTE  சொன்னதால் கிடப்பில் ...
இது மட்டுமல்ல ...
காரைக்கால் கம்ப்யூட்டர் ....
வாடிக்கையாளர் சிரமப்படும் PRO செக்சன்  இடமாற்றல் ...
MDF க்கு செல்  பேசியில்  இலவச அழைப்பு ...
அலையவிட்டு ... கொடுமைபடுத்தும் ...டான்சி  CSC ...
அவரவர் பகுதிக்கு பணியாற்ற ... பூதகண்ணாடியால் சலித்து  தேர்வு ...
CSC க்கு மட்டும் ...செய் அல்லது செத்து மடி தேர்வு ...
சேவை பாதிப்பு ... கருத்தில் கொள்ளாது ...
விடுப்பு தவிர்ப்பு ... சம்பளம் பிடிப்பு ...
என கறாரோ ...கறார் காட்டும் ..
குடந்தை CSC  நிர்வாகம் ...
தொடரும் பாரபட்சம் ...பாராமுகம் ...
வரும் பிப்ரவரி 24 காரைக்காலில் மாவட்டசெயற்குழு ...
முதல் கட்டமாய் ... 
குடந்தை CSC பாரபட்சம் களைய ...
குடந்தை CSC  வாடிக்கையாளர் அலைவு  நிறுத்த ...
காரைக்கால் கம்ப்யூட்டர் மாற்றிட 
மயிலாடுதுறை CSC  கம்ப்யூட்டர் பிரச்சினை தீர்வுகண்டிட 
வாடிக்கையாளர்  சிரமம் தவிர்த்திட  ... 
BSNL தழைத்திட ...
குடந்தை மற்றும் காரைக்கால் - மயிலாடுதுறை 
CSC முன்பு ...
மெழுகுவர்த்தி ஏந்தி... 
வெளிச்சமிட்டு காட்டிட ....
மார்ச் 10-ல்  போராட்டம் !
திட்டமிட ...தயார்படுவோம்... செயற்குழுவிற்கு ...
காரைக்காலில்!

Monday, February 8, 2016

இணைய சமவாய்ப்புக்குச் சாதகமாக தொலைத் தொடர்பு ஆணையம் புதிய உத்தரவு


இணையதளம் பயன்படுத்துவதில் பாரபட்சமான கட்டண அடிப்படையில் சேவை வழங்குவதை தொலைதொடர்பு ஒழுங்குமுறை ஆணையமான டிராய் தடை செய்துள்ளது. இதன் மூலம் தற்போதைய நிலையில் சமவாய்ப்பான இணையதளம் கிடைப்பதில் ஏற்பட்ட விவாதம் முடிவுக்கு வந்துள்ளது. 
படம்: ராய்ட்டர்ஸ்.
இதற்கான தடையை தொலைத்தொடர்பு ஒழுங்குமுறை ஆணையம் (டிராய்) திங்களன்று அறிவித்தது. இதனால் ஃபேஸ்புக் நிறுவனம் முன்வைத்த பிரிபேஸிக்ஸ் திட்டம் மற்றும் ஏர்டெல் நிறுவனம் முன்வைத்த ஏர்டெல் ஜீரோ திட்டங்களுக்கு பலமான பின்னடைவு ஏற்பட்டுள்ளது. 

தொலைத்தொடர்பு சேவை வழங்கும் நிறுவனங்கள் உள்ளடக்கம் அடிப்படையில் அமைந்த பாரபட்சமாக கட்டண சேவைகளை விற்பனை செய்ய தடை விதிப்பதாக டிராய் தனது உத்தரவில் குறிப்பிட்டுள்ளது. 

பாரபட்சமாக கட்டணம் அல்லது உள்ளடக்கம் அடிப்படையிலான இணைய சேவையை வாடிக்கையாளர்களுக்கு விற்பனை செய்வதற்கான எந்த விதமாக ஒப்பந்தங்கள் அல்லது உடன்படிக்கைகளிலும் தொலைதொடர்பு சேவை வழங்கும் நிறுவனங்கள் ஈடுபடக்கூடாது என்று அந்த உத்தரவில் டிராய் கூறியுள்ளது.

மேலும் சேவை வழங்குநர்கள் பாரபட்சமான கட்டணங்களை வசூலித்தால் நாளொன்றுக்கு ரூ.50,000 அபராதம் விதிக்கப்படும் என்றும் டிராய் தனது உத்தரவில் தெரிவித்துள்ளது. 

இந்த புதிய கட்டுப்பாடுகள் குறித்து தொலைத் தொடர்பு ஒழுங்கு முறை ஆணையம் 2 ஆண்டுகளுக்குப் பிறகு மறு ஆய்வு செய்யும்.

தவிர்க்க முடியாத அவசர காலம் அல்லது பொது அவசர காலத்துக்கு மட்டும் ஏற்ப செயல்பட இதிலிருந்து விலக்கு அளிக்கப்பட்டுள்ளது.

Trai bars Facebook Free Basics, Airtel Zero; releases notification on differential data pricing

வேலூர் மாநில செயற்குழு







மாநில மாநாட்டை ...வெற்றிவிழா விழா மாநாடாய் .
நடத்தவேண்டிய நிச்சயம் உரைத்த செயற்குழு !
NFTE சொன்ன கோரிக்கையும் ...
அதன் தற்பொழுதைய நிலையும் ...
எடுத்து சொல்வதே வெற்றிக்கான பிரசாரம் ...!
வருங்காலமும் ...நாமும் ...
தீர்வுகளும் ...தீர்க்கபடவேண்டியவைகளும் !!!
ஹாட்ரிக் சேலம் ...திட்டமிட பாட்னா ...!
என தெளிவுபட திட்டமிடவைத்திட்ட   
வேலூர் மாநில செயற்குழு !



Wednesday, February 3, 2016

ஃபேஸ்புக்கின் அபாயகரமான திட்டம்!

Return to frontpage
இலவச இணையத் திட்டத்தை ‘ஃப்ரீ பேசிக்ஸ்’மூலமாக இந்தியாவில் அறிமுகப்படுத்த இருப்பதாகத் தொடர்ந்து ஃபேஸ்புக் நிறுவனம் பிரச்சாரம் செய்துவருகிறது. முழுக்க முழுக்க இலவசச் சேவை வழங்கும் திட்டம் என்று கூறிவருகிறது. ஃபேஸ்புக் பயனாளர்களிடம் இத்தகைய உத்தி என்றால், மறுபுறம் ஃபேஸ்புக் நிறுவனத்தின் தலைவர் மார்க் ஸக்கர்பெர்க் மீண்டும் மீண்டும் இந்தியாவின் தொலைத்தொடர்பு ஒழுங்கு முறை ஆணையமான டிராயைத் தொடர்புகொண்டு, இந்தியாவில் ‘ஃப்ரீ பேசிக்ஸ்’திட்டத்தைக் கொண்டுவர கடுமையாக முயற்சித்துவருகிறார். இது இந்தியாவில் இணையச் சமநிலையைப் பாதிக்கும் என்ற அச்சம் விமர்சகர்களால் முன்வைக்கப் படுகிறது. இந்நிலையில், சமீபத்தில் டிராய் தன் மின்னஞ்சல் வழியாக ஃபேஸ்புக்கின் பிரச்சார நடவடிக்கையைப் பகிரங்கமாக விமர்சித்தது.
ஃபேஸ்புக் நிறுவனம் முன்மொழியும் திட்டத்தின்படி ஃபேஸ்புக் உள்ளிட்ட சில வலைதளங்களை இணைய கட்டணமின்றி நுகர் வோர் பயன்படுத்த முடியும். ஆனால், ஏற்கெனவே மொபைல் டேட்டா சேவைக்குக் கட்டணம் செலுத்திவிட்டுத்தான் ஒட்டுமொத்த இணைய சேவையையும் நாம் பயன்படுத்த வேண்டியிருக்கிறது. ஃப்ரீ பேசிக்ஸ் அறிமுகமானால், இலவச சேவை வழங்கப்படலாம். ஆனால், அடிப்படைத் தகவல் பரிமாற்றம் தவிர ஆடியோ, வீடியோக்களையும், ஃபேஸ்புக்கோடு உடன்படிக்கை செய்துகொள்ளாத மற்ற இணையதளங்களையும் அதில் இலவசமாகப் பயன்படுத்த முடியாது. ஆனால், இந்தத் தகவல்களைச் சாதுரியமாக மறைக்கிறது ஃபேஸ்புக்கின் பிரச்சாரம்.
பயனாளர்களுக்குப் புரியாத வார்த்தைகளைக் கொண்டு ஜோடிக் கப்பட்ட படிவம் மூலமாக அவர்களது ஆதரவைத் திரட்டிவருகிறது. போதாக்குறைக்கு, படிவங்கள் அத்தனையும் டிராய்க்கு அனுப்பிக் கொண்டே இருந்தது ஃபேஸ்புக். இதன் மூலமாக டிராயின் நம்பகத்தன்மையை வென்றெடுக்கத் திட்டமிட்டது. ஆனால், டிராய்க்கு அனுப்பும் மின்னஞ்சல்கள் உரிய இடத்துக்குப் போய்ச் சேரவில்லை. அதற்குக் காரணம், மின்னஞ்சல்களைக் கையாளும் நபர் அதைத் தடுக்கிறார் என சந்தேகம் எழுப்பியது. இந்தத் தருணத்தில்தான் டிராய்க்கும் ஃபேஸ்புக்குக்கும் இடையில் மூண்டிருந்த பனிப் போர் வெடித்தது. அர்த்தமுள்ள கலந்தாலோசனை நடவடிக்கையாக இருந் திருக்க வேண்டிய ஒன்றை, முரட்டுத்தனமான பெரும்பான்மைவாத, தூண்டிவிடப்பட்ட கருத்துக் கணிப்பாக மாற்றியிருப்பதாக ஃபேஸ்புக் குக்குக் கடும் கண்டனம் தெரிவித்தது டிராய்.
தகவல் தொழில்நுட்ப யுகத்தில் நாம் ஒருவரோடு ஒருவர் தொடர்பு கொள்ளும் விதத்தை இத்தகைய ஊடகங்கள் கட்டுப்படுத்துவது மட்டுமல்லாமல், அதன் போக்கையே முற்றிலுமாக மாற்றி அமைக்கும் வல்லமையும் பெற்றுள்ளன. அதிலும் சட்டதிட்டங்களிலும், அரசுக் கொள்கைகளிலும் அவை ஊடுருவிவிட்டால், அதைவிடவும் ஆபத்து வேறெதுவும் இருக்க முடியாது. வணிகம் செய்வதற்கான உரிமம் கிடைத்துவிட்டதால், அந்தத் தளத்தைத் துஷ்பிரயோகம் செய்வது மிகப் பெரிய தவறு. குறிப்பாக, மக்களின் கருத்துக் கணிப்பை ஒரு ஆயுதமாகப் பயன்படுத்தி, அரசுக் கொள்கைக்குள் நுழைய முயற்சிப்பது கண்டிக்கத் தக்கது. ‘இண்டர்நெட்.ஓஆர்ஜி’என்ற பெயரில் தான் செய்யத் திட்டமிட்டதற்கு வேறொரு கவர்ச்சிகரமான பெயரை மாற்றி, இந்த வேலையில் இறங்கியிருக்கிறது.
இந்தியாவின் தொலைத்தொடர்பு ஒழுங்கு முறை ஆணையத்தின் செயல்பாட்டில் மூக்கை நுழைப்பதை எந்த விதத்திலும் ஃபேஸ்புக் நியாயப்படுத்த முடியாது. அதேசமயம் டிராய்க்கும் ஃபேஸ்புக்குக்கும் இடையில் நடக்கும் இந்தப் பிரச்சினையில் உண்மையான பிரச்சினை நீர்த்துப்போய்விட்டது. 100 கோடிக்கும் அதிகமான மக்கள்தொகையும் அதிலும் பெரும்பான்மை ஏழை எளிய மக்களைக் கொண்ட ஒரு நாட்டுக்கு எத்தகைய இணைய சேவை தேவை? இந்தக் கோணத்தில் தகவல் தொழில்நுட்ப முன்னேற்றங்களை முன்னெடுத்தால் உண்மையிலேயே தொழில்நுட்ப வளர்ச்சி பரவலாகப் பலரைச் சென்றடையும்.

Tuesday, February 2, 2016

சோப்பு ...துண்டு ...டம்பளர் ...பேனா ..டைரி ...குடிநீர்பாட்டில்...
 ...பிப்ரவரி மாத சம்பளத்தில் 
குரூப்  சி க்கு ரூ .500
குரூப் டி க்கு  ரூ.300
வழங்கிட மாநில நிர்வாகம் உத்தரவு 

மயிலாடுதுறை 1.2.2016 கூட்டம்

 













Monday, February 1, 2016


மே 9
அட்சய திருதி 
மே 10
தங்கம் உயர் ...
சங்கமாம்  NFTEக்கு 
வாக்களிக்கும் நாள் !
சங்க அங்கீகர சரிபார்ப்பு தேர்தல் நாள் 10.5.2016


Sunday, January 31, 2016

மயிலாடுதுறையில் ... திரள்வோம் ...தயார்படுவோம் !




அக்குவாஃபீனாவும் அலற வைக்கும் ரகசியங்களும்; ஒப்புக் கொண்டது பெப்ஸி!

vikatan.com
வீட்டிலுள்ள சமையலறைக் குழாய்களில் வரும் குடிநீரை, ஒரு லிட்டர் 20 ரூபாய் என்று எவரேனும் விற்றால் வாங்குவோமா? அவ்வாறு யாரேனும் வாங்கினால் கேலி செய்து சிரிப்போம்தானே? உலகப் பன்னாட்டு நிறுவனங்கள் விற்கும் இந்த பாட்டில் தண்ணீரை வாங்கி குடிப்பவர்கள் அனைவருமே அத்தகைய கேலிக்குரியவர்கள்தான் என்பதே உண்மை.
பெப்ஸி நிறுவனத்தின் தயாரிப்பான, ’அக்குவாஃபீனா’, வெறும் சாதாரண பைப் தண்ணீரையே  சுத்திகரித்து மினரல் வாட்டர் எனற விற்பனை செய்து வருவதாக ஒப்புக் கொண்டுள்ளது. இதேப் போல நெஸ்ட்லே நிறுவனத்தின் , ‘ப்யூர் லைஃப்’ மற்றும்  கோக் நிறுவனத்தின்  நிறுவனத்தின், ’தஸானி’ யும் இதே போல்தான்.

கடந்த 2007 ஆம் ஆண்டு, அமெரிக்க அரசின் ஒரு அங்கமான, பெருநிறுவன சோதனை வாரியம் (Corporate Accountability International),  அக்குவாஃபீனா வின் நீர் ஆதாரம்  குறித்து ஆய்வு மேற்கொண்டபோது, சாதாரண குழாய் நீரையே, சுத்திகரித்து விற்பனை செய்வதாக ஒப்புக்கொண்டது பெப்ஸி நிறுவனம். அதைத் தொடர்ந்து எழுந்த சர்ச்சைகளினால், தனது புதிய தயாரிப்புகளிலெல்லாம், ‘பொதுத்தண்ணீரிலிருந்து சுத்திகரிக்கப்பட்டவை (Public water source)’ என்று அச்சிடத் தொடங்கியது.

இந்நிறுவனம். ஆனால் பெப்ஸி பாட்டில்களில் எல்லாம் மலைகளுக்கிடையே தண்ணீர் ஓடி வருவது போல லேபிள்கள் ஒட்டப்பட்டிருக்கும். தங்கள் தயாரிப்பு இயற்கையானவை என்பதை காட்டவே இத்தகைய லேபிள்கள் அதில் ஒட்டப்பட்டு வந்தன. இந்த விவகாரத்தையடுத்து, அது போன்ற லேபிள்களையும் பயன்படுத்தக் கூடாது என்றும் உத்தரவிடப்பட்டது. 

இதைத்தொடர்ந்து பல்வேறு சர்வதேச ஊடகங்கள் குடிநீர் தயாரிப்பின் பின்னணியிலுள்ள வணிக யுக்திகளைக் குறித்து ஆய்வு  மேற்கொண்டதில், வெளிவந்தத் தகவல்கள் அதிர்ச்சி அளிக்கின்றன. 

சுமார் 9.7 பில்லியன் கலன் நீரிலிருந்து 11.8 பில்லியன் அமெரிக்க டாலர்கள் ஈட்டுவதே பெப்ஸி போன்ற பன்னாட்டு நிறுவனங்களின் நோக்கம். இதில் ஒரு கலன் சுத்திகரிக்கப்பட்டக் குடிநீர், 1.22 அமெரிக்க டாலர்கள். இதில் மூன்றில் இரண்டு மடங்கு தண்ணீர், 500 மிலி பாட்டில்களாக சந்தைப்படுத்தப்படுகிறது. அரை லிட்டர் குடிநீரின் விலை, 16.9 செண்ட்கள். 

மொத்தத்தில், சாதாரணக் குழாய் நீர், சுத்திகரிக்கப்பட்டக் குடிநீர் என்ற பெயரில் சுமார் 2000 மடங்கு விலையேற்றம் செய்யப்பட்டு மக்களிடம் சந்தைப்படுத்தப்படுகிறது.

மேலும் இந்த பாட்டில்களைத் தயாரிக்கப் பயன்படுத்தபடும் பிளாஸ்டிக்குகளும் , அவற்றைப் பதப்படுத்தப் பயன்படும் பல்வேறு இரசாயனங்களும், மனித உடலிலுள்ள நரம்புகளையும், சுரப்பிகளையும் பாதிக்கும் தன்மை வாய்ந்தவை என்று கண்டறியப்பட்டுள்ளது  (Endocrine disrupting chemicals).

இது மட்டுமன்றி பாலியல் உறவுக்கு அடிப்படைத் தேவையான முக்கியச் சுரப்பிகளான  ஈஸ்ட்ரோஜென் மற்றும் ஆண்ட்ரோஜென் ஆகியவற்றையும் இது பாதிக்கிறது என்கிறது ஆய்வுத் தகவல்.மேலும் அதிரடிச் சோதனைகளுக்கோ, நேரடி ஆய்வுக்கோ இந்நிறுவனங்களை ஆட்படுத்த முடியாத சட்டப் பாதுகாப்பு இருப்பதால், இவர்களின் செயல்முறை விளக்கங்களும் மர்மமாகவே உள்ளன.

இத்தகைய நிறுவனங்கள்தான் நம் தாமிரபரணிக்குக் குறி வைக்கின்றன என்பதை தமிழக அரசு புரிந்து கொள்ள வேண்டும்
-ச.அருண்
மாணவப் பத்திரிக்கையாளர்

Friday, January 29, 2016


லாபம் இல்லையென்றால் ஊழியர்களுக்கு சம்பள உயர்வு கிடையாது; பி.எஸ்.என்.எல். அதிரடி முடிவு

logo
நிறுவனம் லாபத்தில் இல்லையென்றால் அடுத்த ஆண்டு ஊழியர்களுக்கு சம்பள உயர்வு கிடையாது என அரசு பொதுத்துறை தொலைதொடர்பு நிறுவனமான பி.எஸ்.என்.எல் அறிவித்துள்ளது. 
இதுகுறித்து, கர்நாடகாவில் மொபைல் டேட்டா ஆப்லோடு வசதியை துவக்கி வைத்து  அந்நிறுவனத்தின் தலைவரும், இயக்குனருமான அனுபம் ஸ்ரீவத்சவா தெரிவித்தவை பின்வருமாறு:- 
பி.எஸ்.என்.எல். வரலாற்றில் இந்த ஆண்டு மிகவும் சவால்கள் நிறைந்த ஆண்டாகும். 2017-ம் ஆண்டு என்பது 3-வது முறையாக சம்பள மறுஆய்வு கமிட்டி மூலம் பி.எஸ்.என்.எல். ஊழியர்களின் சம்பளத்தை மறுஆய்வு செய்வதற்கான ஆண்டு. ஆனால், நிறுவனமானது லாபத்தில் இல்லையென்றால் சம்பளம் உயர்த்தப்பட மாட்டாது. இதற்கு முன்னர் ஏர் இந்தியா நிறுவனமும் இதேபோல் செயல்பட்டிருக்கிறது. 2017-ம் ஆண்டு நமக்கு மிகவும் முக்கியமான ஆண்டு. இந்த ஆண்டு நமது லாப நட்டக் கணக்கை நன்றாக வைத்துக் கொள்ள வேண்டியது அவசியம். நிறுவனத்தை வருமானப் பாதையில் கொண்டு செல்வதே ஊழியர்களின் முதன்மைப் பணி. இருக்கையில் உட்கார்ந்து கொண்டு கோப்புகளில் கையெழுத்திட்டு மட்டுமே சென்ற நாட்கள் போய்விட்டன. வருவாய் மட்டுமே இனி முதல் இலக்கு. இவ்வாறு அவர் தெரிவித்தார். 

4 ஆண்டுகள் தொடர் நட்டத்திற்கு பின் முதல்முறையாக சென்ற நிதியாண்டில் ரூ.672 கோடி லாபத்தை பி.எஸ்.என்.எல். நிறுவனம் சந்தித்து இருந்தது குறிப்பிடத்தக்கது.